dolzarb

Oʻzbekcha (uz)

Morfologik va sintaktik xususiyatlari

dol-zarb

Maʼnoviy xususiyatlari

Maʼnosi

1 ot vazifasida. Biror ish yoki jarayon eng qizgʻin yoki qistalang boʻlgan payt. ◆ Saodatga shunday dolzarbda yaxshilik qilmay, qachon yaxshilik qilasan? I. Rahim, „Ixlos“ . ◆ Suyak-suyagigacha paxtakor odam bunaqangi dolzarbda daladan jilmaydi. R. fayziy, „Asad libosi“ .

Dolzarb kunlar (yoki palla, payt, dam) Ishlar qizigan yoki tiqilinch kelib qolgan kunlar. ◆ Ish qistalang kelib, dolzarb kunlar ham boshlandi. A. Shermuhammedov, „Toshkent-lik paxdavon“ . ◆ Hozir chorvadoruchun eng dolzarb kunlar hisoblangan qishlov davom etmoqda. Gazetadan . ◆ Paxta yigʻim-terimi dolzarb pallaga kirdi. Gazetadan .

2 sft. Bajarilishi, qilinishi kechik-tirib boʻlmaydigan, birinchi galda hal etilishi lozim boʻlgan; oʻta muhim. ◆ Dolzarb muammo. Dolzarb masala. Dolzarb vazifa. n ◆ Abdulla Qahhor adabiyotimizning dolzarb masalalariga behad talabchanlik bilan yondashar edilar. K. Qahhorova, „Chorak asr ham nafas“ . ◆ Dolzarb mavzudagi maruzalar oʻqib eshittirildi. Gazetadan . ◆ Sanoat robot-larini rivojlantirish masalasi bugungi kunning dolzarb vazifalaridan boʻlib qol-moqda. "Fan va turmush" .

Antonimlari

ДОЛЗАРБ. Oʻzbek tilining izohli lugʻati maʼlumotlaridan foydalanilgan; q.Adabiyotlar roʻyxati.

Tarjimalari

Ruscha _ru

dolzarb
разгар (чего-л.), кульминация, кульминационная точка; апогей; ◆ ~ga kelmoq быть в разгаре, достичь кульминации; ◆ ~ kunlar жаркие (горячие) дни.