domna pechi
Domna pechi – cho’yan suyuqlantirib olinadigan maxsus o’choq (pech)dir. Bu hajmi 5000 m3 va balandligi 80 metrgacha bo’lgan, ichki tomoniga o’tga chidamli g’isht qoplangan va tashqi po’lat g’ilofi (mustahkam bo’lishi uchun) bor murakkab inshootdir. Domnaning yuqori yarim qismi shaxta, yuqorigi teshigi koloshnik, еng keng qismi – raspar, pastki qismi – gorn deyiladi. Boshlang’ich materiallar: shixta – tarkibida temir oksida, shuningdek, koks, flyuslar (suyuqlantirgichlar) bor ruda. Koks issiqlik manbai va qaytaruvchi bo’lib xizmat qiladi, shuningdek undan qaytaruvchi uglerod monooksid (CO) olish uchun foydalaniladi. Flyuslar bekorchi moddalar bilan birikib suyuqlanadi va shlaklar holida ajraladi.
Adabiyotlar ro’yxati[tahrirlash]
1.N.Sh.Kattayev, G.A.Ixtiyarova vа bosh. Kimyo texnologiyasi Darslik.O’zbekiston nashriyoti. 2012 .400b.
2.Turobjonov S., Do’stmurodov, Otaquziyev T.A.Kimyo va kimyoviy texnologiya atamalarining izohli lug’ati. T.: Vektor Press nashriyoti 2008.496 b.