javonmard

Javonmardlar – oʻz faoliyati, umrini yaxshilikka sarflash, muhtoj kishilar hojatini chiqarishni maqsad qilib olgan kishilar edilar. Ularning oʻz tashkilotlari, saylab qoʻygan rahbarlari, amal qilinadigan nizomlari boʻlgan. Javonmardlar muayyan rasm-rusumlar, qoidalarga boʻysungan, yigʻinlarda tantanali qasamyod qilib, maxsus kiyimlar kiyib, topgan-tutganini yor-u birodarlari bilan baham koʻrgan. Oʻz hayotida poklik va taqvodorlikka qat’iy rioya qilgan. Javonmardlarni ahli futuvvat ham deganlar. XV asr yozuvchisi Husayn Voiz Koshifiyning “Futuvvatnoma” kitobida javonmardlarning axloqi, tashkilotlari, oʻzini oʻzi boshqarish tartibi keng yoritilgan.