bosqich

Oʻzbekcha (uz)

Morfologik va sintaktik xususiyatlari

bos-qich

Maʼnoviy xususiyatlari

Maʼnosi

1. Zinaning yoki narvonning har bir pogʻonasi.◆  Madrasa ichiga bormay, oʻsha yerda.. bir tosh bosqichga otam qadam bosdi. S. Ayniy, Esdaliklar.

2. koʻchma Oʻzaro bogʻlangan quyi va yuqori idora, muassasa, tashkilot va shu kabilarning har bir pogʻonasi, halqasi.

3. koʻchma Daraja, razryad.

4. koʻchma Tarixiy, madaniy-maʼnaviy, iqtisodiy taraqqiyot, rivojlanishning belgili bir pogʻonasi; davr, palla. ◆ Biron-bir bosqich oʻrtasida turgan xalq orasida avvalgi bosqich kishilari koʻrinib qolsa, bunga tabiiy bir hol deb qarash kerak, degan fikrni aytdim. "Guldasta" ; ◆  Odamlar fan-texnikani inson koʻzi koʻrmagan, qulogʻi eshitmagan bosqichlarga olib chiqdilar. N. Safarov, „Olovli izlar.“ ◆  Haqiqatan ham Navoiy forsiy devoni bilan Jomiydan soʻng fors-tojik adabiyotini yangi bir bosqichga koʻtardi. "OʻTA". ◆ Maʼnaviy kamolot bosqichlari ichida xushmuomalalik, shirinsuxanlik asosiy oʻrinni egallaydi. "Saodat".

5. Biror yaxlit ish-harakatni amalga oshirishning ayrim-ayrim davrlari haqida. ◆ Bosh planga koʻra, Qarshi dashtini oʻzlashtirish uch bosqichda amalga oshiriladi. "Oʻzbekiston quriqlari" ◆  Respublikamiz mehnatkashlari paxta yigʻim-terimida hal qiluvchi bosqichga kirdilar. Gazetadan. ◆ Rekonstruksiyaning birinchi bosqichi nihoyasiga yetganligi natijasida samolyotlarning uchish xavfsizligi ancha oshdi. Gazetadan.

6. biol. tib. Biologik rivojlanish pogʻonasi, davri. ◆ Abduraimovdan turli bosqichlarda sholiga qanday ishlov berishni oʻrganishdi. "Oʻzbekiston quriqlari" ◆ Ular [olimlar] mediklar bilan birga odamdagi turli kasalliklarni erta bosqichlarda topishning diagnostik modeli va programmasini ishlab chiqdilar. Gazetadan.

Birinchi bosqich sud Quyi darajadagi sud.

Birinchi bosqich maktab Boshlangʻich maktab.

Antonimlari

БОСҚИЧ. Oʻzbek tilining izohli lugʻati (2022) maʼlumotlaridan foydalanilgan; q.Adabiyotlar roʻyxati.

Tarjimalari

bosqich

Ruscha _ru

bosqich
1 ступенька; ◆ Shu vaqtda Murodxon bilan Orzigul oyim bosqichdan chiqib boradi («Муродхон») В это время Мурадхан и Орзигуль ойим поднимались по ступенькам;
2 ступень; этап; ◆ hosil uchun kurashning birinchi bosqichida на первом этапе борьбы за урожай; ◆ birinchi bosqich maktab уст. школа первой ступени, начальная школа.