hangoma

Oʻzbekcha (uz)

Morfologik va sintaktik xususiyatlari

han-go-ma

Etimologiyasi

HANGOMA q. hangama
Oʻzbek tilining etimologik lugʻati (III-jild) maʼlumotlaridan foydalanilgan; q. Adabiyotlar roʻyxati.

fors. — olomon, yigʻin; gurunglashish, xushchaqchaq suhbat;

Maʼnoviy xususiyatlari

Maʼnosi

1 Bir necha kishi oʻrtasida koʻtarinki ruhdagi, shirin, xushchaqchaq suhbat. ◆ Hangoma qilmoq. ◆ Yashil uvatlarda zavqli qoʻshiqlar, Shavqli hangomalar boʻlar koʻp shinam. Gʻ. Gʻulom. ◆ Quyuq ziyofat, oʻyin-kulgi, hangoma yarim kechagacha davom etdi. J. Sharipov, „Saodat.“ ◆ Sodda va samimiy hangoma bilan choy ichilar ekan, daraxtlar orqasidan hoʻngrab yigʻlagan tovush eshitildi. Oybek, „Tanlangan asarlar.“

2 Qiziqarli, kishini hayratga soladigan voqea. ◆ Qiziq hangomalar aytib, koʻnglini xush qiladigan kishilar bor edi. P. Tursun, „Oʻqituvchi.“ ◆ Shunday qilib, yor-birodar, tramvaylar hangomasi hozircha tura tursin, endi gapni birinchi avtobazadan eshiting. "Mushtum". ◆ Enang koʻchada tuqqanmi, bu nima hangoma! Oybek, „Tanlangan asarlar.“ ◆ Shahar sanoat korxonalarini gazlashtirishdagi hangomalarni gapirib, taʼbni xufton qilmay qoʻya qolaylik. "Mushtum".

Hangoma qilmoq ayn. hangomalashmoq. ◆ U-bu toʻgʻrisida birpas hangoma qilib Oʻsarjon joʻnarkan, Dadamat uni peshinda bedana palovga taklif etdi. Oybek, „O.v. shabadalar.“ ◆ ..Iloji boʻlsa, ishni qoʻyib, hangoma qilgimiz keladi. R. Fayziy, „Choʻlga bahor keldi.“

Antonimlari

ҲАНГОМА. Oʻzbek tilining izohli lugʻati maʼlumotlaridan foydalanilgan; q.Adabiyotlar roʻyxati.

Tarjimalari

Ruscha _ru

hangoma
книжн. высок. = hangama.