yengmoq

Oʻzbekcha (uz)

Morfologik va sintaktik xususiyatlari

yeng-moq

Maʼnoviy xususiyatlari

Maʼnosi

Kurash, jang va shu kabilarda gʻolib boʻlmoq, gʻalaba qozonmoq, raqibini magʻ-lubiyatga uchratmoq. ◆ Makkor devni yengmoq. Musobaqada bizning komandamiz yengdi. sht Yoʻlchi ham, Qora Ahmad ham musht bilan bir-birlarini yenga olmasliklariga ishonch hosil qilishdi. Oybek, „Tanlangan asarlar“ .

2 koʻchma Qarshilik, qiyinchilik va shu kabilarni bartaraf etmoq, uni yoʻq qilmoq, qi-yinchiliklarni yengmoq. ◆ Hayot nashidasi shu kurash, xavf-xatar, toʻsiqlarni yengib oʻtish, intilish boruchunham qiziq, lazzatli. S. Nu-rov, „Narvoy“ . ◆ Jangchilarimiz bosqinchilarning qattiq qarshiligini yengib, Dneprdan ham kechib oʻtdilar. Nazarmat, „Joʻrlar baland sayraydi“ .

3 koʻchma Taʼsirini oʻtkazmoq, taʼsir kuchi gʻolib kelmoq (dard, kasal kabilar haqida). ◆ Elgeldining koʻzlaridagi gʻazabni baxtsiz bir maʼyuslik yenggan edi. A. Muxtor, „Qoraqalpoq qissasi“ . ◆ Gʻam-koyish xiylagina yengib qoʻygan Marasul kirdi. A. Qahhor, „Ogʻ-riq tishlar“ .

4 Oʻziga boʻysundirmoq, hukmiga olmoq. ◆ Juvon toyni bemalol yengib ketayotgan boʻlsa ham, qishloqdan chiqquncha, Asqar ota juda toliqdi.. A. Qahhor, „Xotinlar“ . ◆ Toʻgʻri, besh-oʻn kun qattiqchilikni ustimizga olib, shu oz ulov bilan koʻklamni yengib olsak, koʻp odam-larning koʻzi ochilib ketadi. A. Qahhor, „Qoʻshchinor chiroqlari“ .

5 Gap bilan ustun kelmoq, oʻz gapini oʻtkazmoq. ◆ -Abdishukurni xudo gapga bichgan, yengib boʻlmaydi, — dedi Jamolboy pixillab. Oybek, Tanlangan asarlar. ◆ Ota oʻgʻlini gap bilan yengib boʻlmasligini fahmlab, irgʻib turdi. S. Siyoyev, „Avaz“ .

6 shv. Haydamoq, minmoq (aravani). ..balki u [aravakash] ◆ oʻz aravasini emas, boy ara-vasini yengib ketayotgandir. M. Ismoiliy, „Fargʻona tong otguncha“ .

Antonimlari

ЕНГМОҚ. Oʻzbek tilining izohli lugʻati (2022) maʼlumotlaridan foydalanilgan; q.Adabiyotlar roʻyxati.

Tarjimalari

Ruscha _ru

yengmoq
1 побеждать, одолевать; осиливать; побороть; qiyinchiliklarni yengib oʻtmoq преодолеть трудности; seni ish yengmasin, sen ishni yeng посл. пусть не работа тебя одолеет, а ты - работу;
2 возражать, утверждать обратное; koʻrganni eshitgan yengar посл. слышавший пытается опровергнуть очевидца.