bisot

Oʻzbekcha (uz)

Morfologik va sintaktik xususiyatlari

bi-sot

Etimologiyasi

arab. – gilam;

Maʼnoviy xususiyatlari

Maʼnosi

1. Shaxsning, koʻpincha xotinlarning oʻziga tegishli boʻlgan, toʻplab qoʻygan moli, mol-dunyosi. ◆ Mastonbibi sandiqdan bisotidagi movut mursagini olib kiydi. S. Ahmad, „Qadrdon dalalar.“ ◆  Onalar Kumushning bu hayqirigʻini uyalganga yoʻydilar-da, uyiga kirib, bisot kovlashga, toʻy hozirligini koʻrishga mashgʻul boʻldilar. A. Qodiriy, „Oʻtgan kunlar.“ ◆  Tayyorlanar Bahri safarga, Sandigʻini ochib, bisotin Tita boshlar barin birma-bir. H. Olimjon.

2. Kishiga, oila xoʻjaligiga qarashli mol-dunyo, boylik. ◆ Oʻtgan zamonda bir faqir er-u xotin bor ekan. Ularning bisotida faqatgina bitta echkisi bor ekan. "Ertaklar". ◆ Hosila yiqqan bisotini sarflab, ancha tuzuk toʻy qildi. Sh. Xolmirzayev, „Bodom qishda gulladi.“ ◆ Mastura xola bisotidagi zogʻoralarni olib chiqib, oʻrtaga qoʻydi. J. Sharipov, „Xorazm.“

3. koʻchma s. t. Kimsada bor boʻlgan har qanday narsa; madaniy, maʼnaviy boylik. ◆ Ezgin-ezgin kuylasin endi Bisotdagi eng nozik torlar. "Sharq yulduzi". ◆ Mulla Qutbiddin bisotida bor eng nodir kitoblarini birma-bir olib, changlarini artib, Boburga koʻrsata boshladi. P. Qodirov, „Yulduzli tunlar.“ ◆  Bugun shoirlar ham oʻz bisotidan Eng yaxshi baytlarni izlab turibdi. E. Vohidov, „Muhabbat.“ ◆ Nurbek bisotidagi bor soʻz bilan uni [Shirinni] avradi. "Yoshlik".

4. Biror xona yoki joydagi mavjud narsalar. ◆ Bu shinam, koʻrkam xona oʻzining bisoti va bezaklari bilan kirgan odamni darrov qamrab olardi. M. Ismoiliy, „Fargʻona t.o.“ ◆ U yer [mehmonxona] boy bisotlari, chiroyli bezaklari, yumshoq toʻshak va par yostiqlari bilan koʻzlarga orom berar edi. M. Ismoiliy, „Fargʻona t.o.“

5. koʻchma Tabiatning borligʻi, boyliklari, ehsoni. ◆ Bahor butun topgan-tutganini, butun bezak va bisotini yoyib yuborgan. M. Ismoiliy, „Fargʻona t.o.“ ◆  Bisotida hur el uchun saqlagan ne bor boʻlsa, qildi ayon Mirzachoʻl. Habibiy. ◆  Har nedan goʻzalroqdir balki choʻl kechalari, Ufqlar kaftdek ravon, koʻk sochgan bor bisotin. A. Oripov.

Antonimlari

БИСОТ. Oʻzbek tilining izohli lugʻati maʼlumotlaridan foydalanilgan; q.Adabiyotlar roʻyxati.

Tarjimalari

OʻTIL

Ot

bisot (koʻplik bisotlar)

Tillar

• Inglizcha: napkin
• Turkcha: servet

Ruscha _ru

bisot
утварь; добро, пожитки; ◆ ~imda (~ingda, ~ida и т. д.) в моём (твоём, его и т. д.) хозяйстве; в моём (твоём, его) распоряжении; ◆ ~ida bitta sigiri bor у него всего-навсего одна-единственная корова; ◆ ~imda hech narsam yoʻq у меня ничего нет; у меня ни кола ни двора; ◆ ~ qilmoq (или orttirmoq) наживать добро.