zahmat

Oʻzbekcha (uz)

Morfologik va sintaktik xususiyatlari

zah-mat

Etimologiyasi

[ arab. - tiqilinch, torlik; mashaqqat ]

Maʼnoviy xususiyatlari

Maʼnosi

1 Ogʻir, mashaqqatli mehnat. ◆ Koʻklamgi zahmat — qishki rohat. Maqol . ◆ Kimki chumolidek chekibdi zahmat, El aro topadi eʼzozu izzat. Gazetadan . ◆ Elning zahmati-la topilgan oltin elniki, davlatniki. H.Gʻulom, „Zamin yulduzlari“ . ◆ Zohiran erki oʻzida boʻlib koʻringan zahmat ahlining aslida oyoq-qoʻllarida ogʻir kishan, til-jagʻlari bogʻlab tashlangan edi. N.Safarov, „Olovli izlar“ .

2 koʻchma Kulfat, azob-uqubat, qiyinchilik. ◆ ..urushning zahmatini boshidan kechirgan har bir odam dahshatli u yillarning jonli shohididir. N.Safarov, „Olovli izlar“ . ◆ Barcha zahmat menga boʻlsin, Mayli, doim men yashay.. Bu shirin qaygʻu bilan. E.Vohidov, „Yoshlik devoni“ .

Zahmat chekmoq 1) ogʻir mehnat qilmoq. ◆ Sanʼatkor oʻz asarini qiyomiga yetkazish uchun koʻp zahmat chekadi. "OʻTA" . ◆ Otangiz bebaho, olijanob odam. Umr boʻyi avom uchun zahmat chekdilar -dedi Horunbek. Mirmuhsin, „Meʼmor“ . 2) qiyinchilik koʻrmoq, azob-uqubat chekmoq. ◆ Ammo, turmushida qanchalik zahmat chekmasin, sira ruhi tushmas, odamlarga hamisha kulib boqar edi. M.Xayrullayev, „Koʻngil“ .

Antonimlari

ЗАҲМАТ. Oʻzbek tilining izohli lugʻati maʼlumotlaridan foydalanilgan; q.Adabiyotlar roʻyxati.

Tarjimalari

Ruscha _ru

zahmat
1 уст. труд; ◆ zahmat chekmay, rohat yoʻq нет блаженства без труда; ◆ zahmat chekmoq (или tortmoq) 1) трудиться; 2) перен. страдать, испытывать затруднения; сносить тягость забот;
2 страдание; испытание, тягость, трудность; ◆ zahmat yetkazmoq пакостить, вредить, причинить ущерб, повреждение.